Біяграфія

Міхайлава Галіна Міхайлаўна (21.08.1946, г. Віцебск), беларускі мастак. Скончыла мастацка-графічны факультэт Віцебскага дзяржаўнага педагагічнага інстытута імя С. М. Кірава (1968). Выкладала ў Мазырскім педагагічным інстытуце (1968–1970), Віцебскім тэхналагічным інстытуце лёгкай прамысловасці (1979–1981). Удзельніца мастацкіх выстаў з 1976 г. Член Беларускага саюза мастакоў (1989). Жыве ў Віцебску.

Працуе ў манументальным і станковым жывапісе.

Сярод работ: жывапісныя кампазіцыі «Вясна» (1975), «Мацярынства» (1988), «Каля возера Лосвіда» (1991), «Слабодка» (1991), «Нацюрморт з ружамі» (1991), «Півоні» (1992), «Жаночы партрэт» (1993), «Палявыя кветкі» (2001); графічныя лісты «Рымскі Пантэон» (2005), «Брама Брандэнбурга» (2005), «Вестмінстэр. Лондан»(2005). Аўтар манументальных роспісаў «Перамога» (1975), «Дружба народаў» (1976), «Казка» (1976), «Зямля родная» (1981), «Зялёная аптэка» (1982), «Руслан і Людміла» (1987), «Залаты певень» (1988), «Любімы горад» (1989), «Спадчына» (2003) і інш.

ЛІТАРАТУРА

Цыбульский, М. Л. Михайлова Галина Михайловна / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2011. — Т. 2 : Витебская область. Кн. 2. — С. 138.