Мастакі Віцебшчыны

Мастак – гэта маг, вялікае сэрца. Ён здабывае прыгажосць, адшуквае свежасць ва ўсім, падпарадкоўвае сабе стыхію.

Марк  Шагал

Віцебская абласная бібліятэка

імя У. І. Леніна

VLIB

Біяграфія

 

Кавальчук Людміла Мікалаеўна (14.09.1955 г. Ангарск, Расія), беларускі мастак дэкаратыўна-прыкладнога мастацтва. Скончыла Абрамцаўскае мастацка-прамысловае вучылішча імя В. Васняцова (1976). Член Беларускага саюза мастакоў (1997). Жыве ў Віцебску.

Працуе ў галіне дэкаратыўнай і прамысловай керамікі, з фарфорам, маёлікай, шамотам, выкарыстоўвае роспіс па сырой эмалі, глазуры. Шэраг твораў выкананы ў суаўтарстве з В. Кавальчуком. Удзельнік выстаў з 1977 года. Творы экспанаваліся на абласных, рэспубліканскіх, міжнародных, замежных і персанальных выставах (у Прыбалтыцы, Балгарыі, Польшчы, Германіі). Узоры роспісу і формаў тыражуюцца на заводах Расіі і Беларусі. На аснове традыцыйнага распрацавала свой, унікальны, стыль роспісу па сырой эмалі.

Сярод асноўных работ: «Залаты пеўнік» (1980), «Двое» (1980), «Тэатр» (1980), «Тэт а тэт» (1982), «Залаты яблык» (1982), «Жнівень» (1985), «Восеньскія кветкі» (1985), «Цары» (1985), «Песня» (1985, трыпціх), «Адліга» (1998), «У гасцях у Хруцкага» (1998), «Маскі» (1998), «Мазаіка часу» (1999), «Возера Крывое», «Добрай раніцы, краіна», «Хутка восень» (усе – 1999), «Чаяванне з Казімірам» (2000), «Песні» (2000), «Прысвячэнне М. Гусоўскаму» (2000), «Лікі часу» (2001), «Успамін» (2001), «Першы снег» (2001), «Сакрэт Страдывары» (2002), «Сіняя птушка» (2002), «Я люблю казкі» (2002), «Восеньскі блюз» (2003), «Возера Дрысвяты» (2006, з серыі «На Браслаўшчыне»), «Купальская ноч» (2008, трыпціх), «Добрай раніцы» (2008), «Касцёл у Відзах» (2008), «Возера Божае вока» (2008), «Гукі ночы» (2008, трыпціх), «Гнёзды» (2008). Аўтар дэкаратыўных блюд «Пушча» (1980), «Вясна» (1981), «Раніца», «Вясёлка», «Вясна» (усе – 1983), «Садавіна» (1985), «Птушыная пара» (2003); дэкаратыўных ваз «Слуцкі матыў», «Кветкі восені» (абедзве — 1982); сервізаў «Чырвоны колер» (1981), «Лявоніха (1981), «Садавіна» (1984); падарункавых камплектаў «Жоўтая ружа» (1983), «Беларускі сувенір» (1984) і інш.

Персанальны сайт мастака: : http://kovalchuk-ceramics.com/

 

ЛІТАРАТУРА

1.Людміла Кавальчук // Саюз творцаў [Выяўленчы матэрыял] = A Union of creators : фотаальбом / уклад. і аўт. тэксту М. Цыбульскі ; аўт. уступ. У. Андрэйчанка ; фат. В. Балоціна, М. Цыбульскага. — Мн. : Беларусь, 2005. — С. 58. — На беларус. і англ. мовах.

2.Кавальчук Людміла Мікалаеўна // Беларускі саюз мастакоў : 1938—1998 : энцыкл. даведнік / аўт.-склад. Б. А. Крэпак [і інш.]. — Мн. : ВТАА «Кавалер Паблішэрс», 1998. — С. 232. — На беларус. і англ. мовах.

3.Цыбульский, М. Л. Ковальчуки, белорусские художники декоративно-прикладного искусства / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2010. — Т. 2 : Витебская область. Кн. 1. — С. 499.

 

СПАСЫЛКІ

arrow Выставка «ArterrA» Людмилы и Валерия Ковальчук на сайте «Bloger»

arrow Крупица Н. В Художественном музее экспонируется фондовая коллекция керамики Людмилы и Валерия Ковальчук