Біяграфія

Даманаў Аляксандр Васільевіч (10.03.1940, г. Клінцы Бранскай вобл., Расія – 19.04.2014, г. Віцебск), беларускі мастак. Скончыў мастацка-графічнае аддзяленне Залатавустаўскага педагагічнага вучылішча (1973). Удзельнік мастацкіх выстаў з 1990 года. Член Беларускага cаюза мастакоў (1996). Жыў у Віцебску.

Працаваў у станковым жывапісе ў жанрах пейзажа і нацюрморта.Творам уласцівыя моц і насычанасць, свежасць і каларыт.

Асноўныя работы: палотны «Бярозы», «Вясна», «Сланечнік», «Вецер», «Восень», «Зіма. Рака Віцьба», «Сакавік», «Вясковы пейзаж».

ЛІТАРАТУРА

Даманаў Аляксандр Васільевіч // Беларускі саюз мастакоў : 1938—1998 : энцыкл. даведнік / аўт.-склад. Б. А. Крэпак [і інш.]. — Мн. : ВТАА «Кавалер Паблішэрс», 1998. — С. 161. — На беларус. і англ. мовах.