Біяграфія

Ізаітка Анатоль Сяргеевіч (21.12.1954, г. Полацк Віцебскай вобл. — 27.07.2014, г. Віцебск), беларускі жывапісец. Скончыў Віцебскі тэхналагічны інстытут лёгкай прамысловасці (1984). Выкладчык ВДТУ (1984–89), з 1989 – мастак камбіната «Мастацтва». Член Беларускага саюза мастакоў (1995).

Працаваў у станковым жывапісе і графіцы. Характар вобразаў вызначае аўтарская міфалогія, у творах пераважаюць складаныя кампазіцыйныя пабудовы, каляровыя і тонавыя кантрасты.

Сярод асноўных твораў: «Мой родны кут» (1989), «Стары Віцебск» (1998), «Разбітыя люстэркі» (1999), «Памяці С. Кухто» (1999), «Мастак і натхненне» (2000), «Усходняя зорка» (2000), «Дабравешчанне» (2001), «Першы снег» (2001), «Народжаны ў год каня. Аўтапартрэт» (2002), «Крыж на крыж» (2002), «Півоні» (2003), «Анёлы, якія граюць са свечкай» (2005), «Чаромха ў горадзе» (2006), «Фея» (2007), «Грамніцы» (2008), «Купальская вада» (2008), «Антонаўка» (2008) і інш.

Творы мастака знаходзяцца ў дзяржаўных і прыватных калекцыях Беларусі і замежжа.

ЛІТАРАТУРА

Цыбульский, М. Л. Изоитко Анатолий Сергеевич / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2010. — Т. 2 : Витебская область. Кн. 1. — С. 463.

СПАСЫЛКІ

 Выставка Анатолия Изоитко «POSTсимволизм» на портале «Gorod.Vitebsk.by»