Мастакі Віцебшчыны

Мастак – гэта маг, вялікае сэрца. Ён здабывае прыгажосць, адшуквае свежасць ва ўсім, падпарадкоўвае сабе стыхію.

Марк  Шагал

Віцебская абласная бібліятэка

імя У. І. Леніна

VLIB

Біяграфія

 

Каржанеўскі Антон Станіслававіч (10.11.1910, м. Валынцы Верхнядзвінскага р-на Віцебскай вобл. – 19.04.1991, г. Віцебск). Скончыў Віцебскі мастацкі тэхнікум (1932). Удзельнік мастацкіх выстаў з 1934 г. Член Беларускага саюза мастакоў (1945). Жыў у Віцебску.

Працаваў пераважна ў станковым жывапісе, у жанрах пейзажа і нацюрморта. Творам уласцівыя лірычны характар вобразаў, яркая насычаная колеравая гама, выразная пластычная мадэліроўка аб'ёмаў, пленэрная непасрэднасць кампазіцыі.

Сярод работ: пейзажы «Сафійскі сабор у Полацку» (1955), «Кіраўскі мост» (1957), «Родны горад» (1960), «Наваполацкі гігант» (1963), «Вячэрні Віцебск» (1966), «Ветэрынарны інстытут» (1971), «Старажытны Віцебск» (1972), «Віцебск. Ленінскі праспект» (1972), «Бульвар на Плошчы Перамогі ў Віцебску» (1976), «Над Віцьбай» (1981), «Браслаў» (1984), «Віцебская прыстань» (1986), «Богаяўленскі сабор у Полацку» (1988); нацюрморты «Бэз» (1960), «Нацюрморт з апельсінам» (1980), «Півоні, яблыкі, кавуны» (1983) і інш.

Творы мастака знаходзяцца ў Нацыянальным мастацкім музеі Беларусі, Беларускім саюзе мастакоў, Віцебскім абласным краязнаўчым музеі, мэрыі г. Масквы.

 

ЛІТАРАТУРА

Цыбульский, М. Л. Корженевский Антон Станиславович / М. Л. Цыбульский // Регионы Беларуси : энцикл. : в 7 т. / редкол.: Т. В Белова (гл. ред.) [и др.]. — Мн. : Беларус. Энцыкл. імя П. Броўкі, 2010. — Т. 2 : Витебская область. Кн. 1. — С. 515.

 

СПАСЫЛКІ

arrow Самотой А. Портреты его города