Біяграфія

Аганаў Леў Рыгоравіч (12.06.1942, с. Бузаўка Днепрапятроўскай вобл., Украіна), беларускі скульптар. Скончыў Днепрапятроўскае мастацкае вучылішча (1965), Інстытут жывапісу, скульптуры і архітэктуры імя І. Я. Рэпіна ў Ленінградзе (1974). Працуе ў манументальнай і станковай скульптуры. Матэрыял — бронза, метал, камень. З 1974 года – удзельнік мастацкіх выстаў. Член Беларускага саюза мастакоў (1983). Жыве ў Наваполацку.

Сярод твораў: кампазіцыі «Музыка», «Будаўнікі», «Сіняя птушка», помнік воінам-інтэрнацыяналістам (усе ў г. Наваполацку Віцебскай вобласці), помнік Л. Сапегу (г. Лепель Віцебскай вобласці).

Творы Л. Аганава знаходзяцца ў музеях, галерэях і прыватных калекцыях у Беларусі і за мяжой.

ЛІТАРАТУРА

1. Аганаў Леў // Сучасная беларуская скульптура. XXI стагоддзе = Современная белорусская скульптура. XXI век = Modern Belarusian Sculpture. XXI century / аўт. тэксту, склад., пер. на беларус. мову К. С. Аксёнава ; аўт. уступ. арт. Н. В. Шаранговіч. — Мн. : Беларус. Энцыкл. імя П. Броўкі, 2012. — С. 30—31.

2. Аганаў Леў Рыгоравіч // Сучасныя мастакі Віцебшчыны : біябібліягр. слоўнік / ДУ «Віцебская абласная бібліятэка імя У. І. Леніна», Аддзел літаратуры па мастацтве ; склад. В. І. Аліева. — Віцебск, 1994. — С. 1.

3. Леў Аганаў // Саюз творцаў [Выяўленчы матэрыял] = A Union of creators : фотаальбом / уклад. і аўт. тэксту М. Цыбульскі ; аўт. уступ. У. Андрэйчанка ; фат. В. Балоціна, М. Цыбульскага. — Мн. : Беларусь, 2005. — С. 16. — На беларус. і англ. мовах.