Мастакі Віцебшчыны

Мастак – гэта маг, вялікае сэрца. Ён здабывае прыгажосць, адшуквае свежасць ва ўсім, падпарадкоўвае сабе стыхію.

Марк  Шагал

Віцебская абласная бібліятэка

імя У. І. Леніна

VLIB

Біяграфія

 

Драненка Мікалай Аляксеевіч (03.08.1946, в. Маргойцы Сенненскага р-на Віцебскай вобл.), беларускі мастак. Скончыў мастацка-графічны факультэт Віцебскага дзяржаўнага педагагічнага інстытута (1969). Вучыўся ў І. Сталярова, Я. Красоўскага. У 1979–1982 гг. працаваў галоўным мастаком віцебскіх мастацка-вытворчых майстэрняў. З'яўляўся старшынёй Віцебскай абласной арганізацыі Беларускага саюза мастакоў (2004). Член аб'яднання «Віцебская акварэль» (1995). Член Беларускага саюза мастакоў (1989). Жыве ў Віцебску.

Працуе ў станковым жывапісе, акварэлі, манатыпіі, шаўкаграфіі, эстампе, плакаце. Творам уласцівыя дынамічныя мадуляцыі рытму, экспрэсія колеру, эмацыянальная выразнасць вобраза. Асаблівую ўвагу надае эксперыменту, фармальна-маляўнічым элементам, свабоднаму выкарыстанню выяўленчых тэхнік.

Сярод твораў: тэматычная кампазіцыя «Брат вярнуўся» (1984); пейзажы «Над Дзвіной» (1980), «Касцёл у Камаях» (1981), «Віцебск» (1992), «Успамін пра Беліцу» (1995), «Зімовы вечар» (2005), «У Віцебску» (2006); нацюрморты «Жоўтыя кветкі» (1984), «Вяргіні» (1986), «Палявыя кветкі» (2002); серыя экслібрысаў (1972–2001); партрэты і інш.

Аўтар мастацкага рашэння больш за 30 каталогаў віцебскіх мастакоў, плакатаў выстаў і мастацкіх акцый.

Творы мастака знаходзяцца ў фондах Беларускага саюза мастакоў, Віцебскім абласным краязнаўчым музеі, галерэі «Маладое мастацтва» (г. Шчэцін, Польшча).

 

ЛІТАРАТУРА

Цыбульский, М. Л. Драненко Николай Алексеевич / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2010. — Т. 2 : Витебская область. Кн. 1. — С. 386.

 

СПАСЫЛКІ

arrow Дроздова Н. Витебский художник Николай Драненко удивил творческим долголетием

arrow Соловьева Т. «В круге седьмом»