Мастакі Віцебшчыны

Мастак – гэта маг, вялікае сэрца. Ён здабывае прыгажосць, адшуквае свежасць ва ўсім, падпарадкоўвае сабе стыхію.

Марк  Шагал

Віцебская абласная бібліятэка

імя У. І. Леніна

VLIB

Біяграфія

 

Кавалёў Анатоль Фёдаравіч (10.05.1926, в. Даўгаполле Гарадоцкага р-на Віцебскай вобл. – 18.01.2015), беларускі мастак, педагог. Скончыў Вышэйшае мастацка-прамысловае вучылішча імя В. Мухінай у Ленінградзе (1958). Выкладчык у Віцебскім дзяржаўным педінстытуце (з 1963), дацэнт (1977), прафесар (1992). Кандыдат мастацтвазнаўства (1973). Загадваў кафедрамі дэкаратыўна-прыкладнога мастацтва (1965–1976), малюнка і выяўленчага мастацтва (1977–1980). Удзельнік Вялікай Айчыннай вайны. Узнагароджаны ордэнамі Чырвонай Зоркі, Айчыннай вайны I ступені, медалямі. Член Беларускага саюза мастакоў (1985). Жыў у Віцебску.

Працаваў пераважна ў станковым жывапісе. Даследваў тэорыю і практыку дызайну. Навуковую і вучэбна-метадычную дзейнасць спалучаў з творчасцю. Распрацаваў эмблему Ульянаўскага аўтазавода, шэраг юбілейных медалёў. Напісаў 3 кнігі (2 у суаўтарстве) і каля 60 артыкулаў па пытаннях выяўленчага мастацтва, дызайну і эстэтычнага выхавання.

Сярод твораў: тэматычныя кампазіцыі «З вогненнай вёскі» (1986), «Віцебская даўніна» (1995), «Люты 43-га ў в. Асхота Гарадоцкага раёна» (2003); партрэты «Бацька Мінай» (1979), «Камандзір партызанскай брыгады М. А. Сакмаркін» (1997), «Чао Лу – кітайскі студэнт» (2005); пейзажы «Рэпінскія мясціны на Дзвіне» (1972), «Бацькава хата» (1982), «Сядзіба Рэпіна ў Здраўнёве» (1991), «Позняя восень» (1955), «Кіраўскі мост у Віцебску» (2001), «Музей Масленікава ў Магілёве» (2003), «Вераснёўскі матыў у Лётцах» (2005); дэкаратыўныя медалі, прысвечаныя 20-годдзю вызвалення Віцебска (1964) і інш. Аўтар мазаікі на фасадзе кінатэатра «Радзіма» г. Гарадка (1967).

Творы мастака экспанаваліся на міжнародных, усесаюзных, рэспубліканскіх і абласных мастацкіх выставах. Яго работы знаходзяцца ў Эрмітажы, Ульянаўскім мастацкім музеі, у Мастацкім музеі Мінска, у Беларускім музеі гісторыі Вялікай Айчыннай вайны, Віцебскім абласным краязнаўчым музеі і інш.

 

ЛІТАРАТУРА

Цыбульский, М. Л. Ковалев Анатолий Федорович / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2010. — Т. 2 : Витебская область. Кн. 1. — С. 497—498.

 

СПАСЫЛКІ

arrow Голесник С. На подступах к Берлину

arrow Пастернак Т. «Дороги войны» Анатолия Ковалёва

arrow Семашко М. Я будущую дочку назову твоим прекрасным именем, Лучеса

arrow Соловьёва Н. «Судьба человека в Великой Отечественной войне»: репортаж с выставки