Біяграфія

Лябёдка Валерый Канстанцінавіч (26.07.1951, г. п. Езярышча Гарадоцкага р-на – 10.03.2016, г. Віцебск), беларускі мастак. Скончыў мастацка-графічны факультэт Віцебскага дзяржаўнага педагагічнага інстытута імя С. М. Кірава (1975). Вучыўся ў Ф. Гумена, І. Сталярова. З 1977 года – выкладчык, старшы выкладчык кафедры малюнка і жывапісу гэтай навучальнай установы. З 1991 г. працаваў у Маскоўскім педагагічным універсітэце, загадваў кафедрай малюнка і жывапісу. Доктар педагагічных навук (1994), прафесар (1997). Член Беларускага саюза мастакоў (1993). Удзельнік мастацкіх выстаў у Віцебску, Маскве, Чэбаксарах, Смаленску.
Працаваў у станковым жывапісе, графіцы.

Асноўныя творы: пейзажы «Асеннія разлівы. Рыбацкае Езярышча», «Мае ўспаміны», «Возера. Начны матыў», «Тайна вострава Гарадзішча», «Партрэт бацькі», «Аўтапартрэт з люстэркам», «Партрэт з палітраю», «Нацюрморт з музычнымі інструментамі», «Нацюрморт з чырвоным збаном», «Галінка першага бэзу», «Нацюрморт у закінутым кутку»; пастэль «Адзінокі хутар», гуаш «Сонечны нацюрморт».

ЛІТАРАТУРА

1. Лябедзька Валерый Канстанцінавіч // Беларускі саюз мастакоў : 1938—1998 : энцыкл. даведнік / аўт.-склад. Б. А. Крэпак [і інш.]. — Мн. : ВТАА «Кавалер Паблішэрс», 1998. — С. 337. — На беларус. і англ. мовах.

2. Лябёдка Валерый Канстанцінавіч // Памяць : Гарадоцкі р-н : гісторыка-дакументальныя хронікі гарадоў і раёнаў Беларусі / уклад. С. І. Садоўская ; рэдкал.: Н. А. Бурунова [і інш.]. — Мн., 2004. — С. 713.