Біяграфія

Міхайлоўскі Віктар Фёдаравіч (30.06.1952, в. Літусава Сенненскага р-на Віцебскай вобл.), беларускі мастак. Скончыў мастацка-графічны факультэт Віцебскага дзяржаўнага педагагічнага інстытута імя С. М. Кірава (1974). Член творчага аб'яднання «Квадрат». Член Беларускага саюза мастакоў ( 1990). Жыве ў Віцебску.

Працуе пераважна ў станковым жывапісе.

Сярод работ: «Браслаўскі пейзаж» (1981), «Стары Віцебск» (1982), «Хрызантэмы» (1985), «Зімовы пейзаж» (1986), «Жаночы партрэт» (1987), «Восеньскі пейзаж» (1988), «Мужчынскі партрэт» (1989), «Нацюрморт з бульбай» (1999), «Нацюрморт з кошыкам» (2004), «Нацюрморт з каласамі» (2005), «Раскіданае гняздо» (2005), «Падковы, цвікі, малаток» (2007), «Каромыслы» (2008), «Нацюрморт з самаварам» (2008), «Нацюрморт з лямпай» (2009) і інш.

ЛІТАРАТУРА

Цыбульский, М. Л. Михайловский Виктор Федорович / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2011. — Т. 2 : Витебская область. Кн. 2. — С. 138.