Біяграфія
Рудэнка Таццяна Аляксееўна (22.12.1953, г. Тбілісі, Грузія). Скончыла Віцебскі дзяржаўны педагагічны інстытут імя С. М. Кірава (1976), выкладала ў ім (1976–1982). Працавала на Віцебскім камбінаце «Мастацтва» (1986–2009). Удзельніца мастацкіх выстаў з 1976 г. Член Беларускага саюза мастакоў (1990).
Працуе ў галіне дэкаратыўна-прыкладнога мастацтва (габелен, батык), займаецца афармленнем сцэн, ювелірным мастацтвам, станковым жывапісам. Жыве ў Віцебску.
Асноўныя працы (у суаўт. з Ю. Руденкам): габелены «Лістапад», «Зямля» (1987), «Камета», «Цень ад вясёлкі», «Зацьменне», «Стагоддзі», «Азёрны край» (1993); дэкарацыі для тэатра «Вячэрні паказ» (1983), «Урачыстая» (1986), «Кветка папараці» (1987), «Залацістая» (1989); бацікі «Першыя кветкі» (1981), «Бэз» (1990), «Японская акацыя», «Планета» (1991), «Усход» (1992), «Сусвет», «Белая ноч», «Палявыя кветкі» (1994); працы ў змяшанай і аўтарскай тэхніцы «Пачатак» (1988), «Хмара» (1989), «Сухія кветкі» (1991), «Зімовы сон», «Ліпеньская ноч», «Далёкі востраў» (1992), «Апошні ліст», «Код жыцця» (1995); трыпціх «Іерусалім» (2007); мноства ювелірных вырабаў, у тым ліку сімвалічныя пёры – прызы журналістам ІІІ Міжнароднага фестывалю "Славянскі базар".
Творы знаходзяцца ў Нацыянальным мастацкім музеі Рэспублікі Беларусь, Віцебскім мастацкім музеі, фондах Беларускага саюза мастакоў, Епархіяльным музеі ў г. Катовіцы (Польшча).
ЛІТАРАТУРА
1. Руденко, белорусские художники // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2010. — Т. 2 : Витебская область. Кн. 2. — С. 422—423.
2. Рудэнка Таццяна Аляксееўна // Беларускі саюз мастакоў : 1938—1998 : энцыкл. даведнік / аўт.-склад. Б. А. Крэпак [і інш.]. — Мн. : ВТАА «Кавалер Паблішэрс», 1998. — С. 459. — На беларус. і англ. мовах.
3. Таццяна Рудэнка // Саюз творцаў [Выяўленчы матэрыял] = A Union of creators : фотаальбом / уклад. і аўт. тэксту М. Цыбульскі ; аўт. уступ. У. Андрэйчанка ; фат. В. Балоціна, М. Цыбульскага. — Мн. : Беларусь, 2005. — С. 112. — На беларус. і англ. мовах.
СПАСЫЛКІ
Витебские художники Татьяна и Юрий Руденко удостоены специальной премии Президента Республики Беларусь деятелям культуры и искусства