Біяграфія
Кавальчук Валерый Віктаравіч (11.01.1955, г. Гомель – 08.09.2009, г. Віцебск), беларускі мастак дэкаратыўна-прыкладнога мастацтва. Скончыў Абрамцаўскае мастацка-прамысловае вучылішча імя В. Васняцова (1976). Член Беларускага саюза мастакоў (1997). Жыў у Віцебску.
Працаваў у галіне дэкаратыўнай і прамысловай керамікі, пераважна ў тэхніцы фарфору і маёлікі. Шэраг твораў выкананы ў суаўтарстве з Л. Кавальчук.
Сярод асноўных работ: «Дракончык» (1977), «Дзьмухаўцы» (1980), «Цары» (1985), «Песня» (трыпціх) (1985), «У гасцях у Хруцкага» (1998), «Маскі» (1998), «Штофы» (1998), «Мазаіка часу» (1999), «Хутка восень» (1999), «Чаяванне з Казімірам» (2000), «Песні» (2000), «Прысвячэнне М. Гусоўскаму» (2000), «Лікі часу» (2001), «Першы снег» (2001), «Сіняя птушка» (2002), «Я люблю казкі» (2002), «Возера Дрысвяты» (2006), «Купальская ноч» (2008, трыпціх), «Касцёл у Відзах» (2008), «Возера Божае вока» (2008), «Гукі ночы» (2008, трыпціх), «Гнёзды» (2008). Аўтар сервізаў «Успамін пра Ленінград» (1980), «Алеся» (1982), чайнага «Вясёлка» (1983); кававага «Беларускія льны» (1983); дэкаратыўных блюд «Буслы» (1981), «Вячэрняе» (1982), «Ручнікі» (1982), «Раніца», «Вясёлка» (абодва – 1983), «Птушыная пара» (2003); дэкаратыўных ваз «Гомель», «Юбілейная» (абедзве – 1981), «Вясна» (1983), «Восеньскі дождж» (1983), «Дзінтары» (1984), «Квітней, мой Мінск» (1985), «Фрэскі» (2006) і інш
ЛІТАРАТУРА
1.Валерый Кавальчук // Саюз творцаў [Выяўленчы матэрыял] = A Union of creators : фотаальбом / уклад. і аўт. тэксту М. Цыбульскі ; аўт. уступ. У. Андрэйчанка ; фат. В. Балоціна, М. Цыбульскага. — Мн. : Беларусь, 2005. — С. 59. — На беларус. і англ. мовах.
2.Кавальчук Валерый Віктаравіч // Беларускі саюз мастакоў : 1938—1998 : энцыкл. даведнік / аўт.-склад. Б. А. Крэпак [і інш.]. — Мн. : ВТАА «Кавалер Паблішэрс», 1998. — С. 232. — На беларус. і англ. мовах.
3.Цыбульский, М. Л. Ковальчуки, белорусские художники декоративно-прикладного искусства / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2010. — Т. 2 : Витебская область. Кн. 1. — С. 499.
СПАСЫЛКІ
Персональный сайт художника