Біяграфія

Мяснікова Кацярына Віктараўна (01.05.1981, г. Полацк, Віцебская вобл. – 16.11.2023, г. Полацк, Віцебская вобл.), беларускі мастак, публіцыст. Скончыла мастацка-графічны факультэт Віцебскага дзяржаўнага ўніверсітэта імя П. М. Машэрава (2004). З 2005 года займалася арганізацыяй маладзёжных пленэраў («У пошуках Атлантыды»), акцый і сімпозіумаў. Кацярына – аўтар канцэпцыі і куратар праекта «Беларускі АРТ-алфавіт» (2012, 2014). У наяўнасці шэраг публікацый у рэгіянальных і рэспубліканскіх выданнях. З 2006 года – актыўны ўдзельнік мастацкіх выстаў, пленэраў і праектаў. Член Беларускага саюза мастакоў (2014). З 2016 года – член праўлення Віцебскага аддзялення грамадскай арганізацыі «Беларускі саюз мастакоў».

Працавала ў тэхніцы сухой пастэлі ў жанрах пейзажа і нацюрморта. Сярод работ: «Поўдзень у ліпені» (2012), «Сонечны дзень» (2012), «У спакоі» (2012), «Казка» (2015), «Лясная таямніца» (2015), «Стары дом. Вяртанне» (2015), «Бэз» (2016), «Дзьмухаўцы» (2016) і інш.

Творы знаходзяцца ў музеях Беларусі, прыватных калекцыях Беларусі, Расіі, Германіі і Польшчы.

ЛІТАРАТУРА

Кацярына Мяснікова. Solitude : каталог выставы / ДУ «Віцебская абласная бібліятэка імя У. І. Леніна», Аддзел літаратуры па мастацтве ; [склад. Л. В. Несцярэнка]. – Віцебск, 2020. – 31 с. : іл.