Біяграфія
Шылко Віктар Аляксандравіч (14.07.1952, в. Зарэчча Гарадоцкага р-на Віцебскай вобл. – 15.07.2023, г. Віцебск), беларускі жывапісец. Скончыў мастацка-графічны факультэт Віцебскага дзяржаўнага педагагічнага інстытута імя С. М. Кірава (1974). Член творчага аб'яднання «Квадрат» (1987). Член Беларускага саюза мастакоў (1986). Жыў ў Віцебску.
Працаваў пераважна ў станковым жывапісе. Асноўны напрамак у мастацтве – беспрадметны жывапіс. З 2002 года займаўся канцэптуальным жывапісам.
Сярод твораў: «Памяць пра бацьку» (1976), «Клятва Міная» (1978), «Віцебск» (1979), «Вярнуўся з вайны» (1985), «Памяці чатырох заложнікаў» (1985), «Ачышчэнне» (1989), «Жоўтае і блакітнае» (2000), «Дрэва ў полі» (2001), «Ландшафт» (2006), «Быў халодны ветраны дзень» (2007), «Пакліч мяне яшчэ, мама» (2007), «Чырвоная рама для чорнага квадрата» (2008), «Вызначэнне прасторы» (2008), «Веснавы роздум» (2008), «Над Дзвіной» (2009), «Вуліца ў Лепелі» (2009); трыпціх «Рух» (2009) і інш.
Працы знаходзяцца ў Нацыянальным мастацкім музеі, Музеі сучаснага мастацтва ў Мінску, Віцебскім абласным мастацкім музеі, музеі «Віцебскі цэнтр сучаснага мастацтва», Музеі Марка Шагала, Музеі сучаснага еўрапейскага мастацтва (г. Сеул, Карэя), а таксама прыватных калекцыях Беларусі, Расіі, Латвіі, Аўстрыі, Германіі, Галандыі, ЗША, Іспаніі, Польшчы, Канады, Фінляндыі.
ЛІТАРАТУРА
1. Цыбульский, М. Л. Шилко Виктор Александрович / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2011. — Т. 2 : Витебская область. Кн. 2. — С. 609.
2. Шылко Віктар Аляксандравіч // Беларускі саюз мастакоў : 1938—1998 : энцыкл. даведнік / аўт.-склад. Б. А. Крэпак [і інш.]. — Мн. : ВТАА «Кавалер Паблішэрс», 1998. — С. 630. — На беларус. і англ. мовах.
3. Виктор Шилко. Живопись. Графика : каталог / ДУ «Витебская областная библиотека имени В. И. Ленина», Отдел литературы по искусству ; [сост. Л. В. Нестеренко]. – Витебск, 2023. – 63 с. : ил.
СПАСЫЛКІ
Пастернак Т. Выставка «Ретро» Виктора Шилко работает в Витебске