Біяграфія

Рыбалкіна Мая Фёдараўна (05.06.1925, г. Іркуцк, Расія – 01.06.1985, г. Віцебск), беларускі мастак. Скончыла Кастрамское мастацкае вучылішча (1947), Маскоўскі тэкстыльны інстытут (1952). Удзельніца мастацкіх выстаў з 1963 г. Член Беларускага саюза мастакоў (1985). Жыла ў Віцебску.

Працавала ў галіне мастацкага афармлення тэкстыльных вырабаў, у дробнай пластыцы. Стварыла шэраг мадэляў трыкатажных вырабаў, а таксама малюнкаў вышывак для розных вырабаў. У малой пластыцы выконвала беларускія сувеніры з дрэва.

ЛІТАРАТУРА

1.Мая Рыбалкіна // Саюз творцаў [Выяўленчы матэрыял] = A Union of creators : фотаальбом / уклад. і аўт. тэксту М. Цыбульскі ; аўт. уступ. У. Андрэйчанка ; фат. В. Балоціна, М. Цыбульскага. — Мн. : Беларусь, 2005. — С. 114. — На беларус. і англ. мовах.

2.Рыбалкіна Мая Фёдараўна // Беларускі саюз мастакоў : 1938—1998 : энцыкл. даведнік / аўт.-склад. Б. А. Крэпак [і інш.]. — Мн. : ВТАА «Кавалер Паблішэрс», 1998. — С. 469. — На беларус. і англ. мовах.